2024 Føroyameist-araskapið í Super Smash Bros. Ultimate á SvínaCon

Les meira um SvínaCon Her

Kom við og kappast um FM heitið í Super Smash Bros. Ultimate (og eitt borðspæl)

Á SvínaCon leygardagin, 10. august kl. 16:30 verður spælt um Føroyameistaraskapið í Super Smash Bros. Ultimate!

Spælt verður á Gamlagarði í Svínoy.

Kappingin er lagt til rættis soleiðis, at luttakarar hava møguleika at taka túrin við Rituni kl. 14:45 av Hvannasundi og fara heimaftur av oynni við 18:30 túrinum. Tíðin nær Ritan fer av Svínoy er skiftandi, men tað er kl. 19:00+, og tað koma fyriskipararnir at fyrihalda seg til.

Tilmelding

Tilmeldast skal til kappingina í seinasta lagið leygardagin 10. august kl 16:00 (½ tíma áðrenn kappingin byrjar)

OBS: Upp til 16 luttakarar kunnu tekna seg. Tí kann vera gott at tilmelda seg beinanvegin.

Tit kunnu tilmelda tykkum á staðnum (á Gamlagarði) ella við at skriva til esbern@tabletop.fo. Um tit tilmelda tykkum við telduposti, hevði verið gott at fingið upplýst hvussu tit ynskja at hava tykkara controls innstillaðar, soleiðis at fyrireikarar kunnu innstilla í góðari tíð.

Reglur

Vegna tíðartrotið við at halda møguleikan hjá luttakarum at fara av aftur oynni um kvøldið, so verður kappingin Single-Elimination, so bert spælarar, ið vinna dystir koma víðari.

Rundir

Spælarar verða settir tilvildarliga ímóti hvørjum øðrum, og spælt verður við hesum reglum:

  • No Items
  • 2 Stocks
  • 3 Min.

Spælt verður best út av 3. Í fyrsti rundu, verður spælt á Battlefield, men taparin hevur møguleika at velja ein av hesum trimum banum í aðru rundu:

  • Battlefield
  • Small Battlefield
  • Final Destination
Um dysturin enn ikki er avgjørdur velur taparin av aðru rundu ein bana, ið ikki er spældur á hvørki í fyrru ella aðru rundu.

Finalan

Í finaluni verður spælt við hesum reglum:

  • No Items
  • 3 Stocks
  • 5 Min.

Spælt verður best út av 5. Banar verða spældir eins og hinar rundurnar. Tá allir banar hava verið spældir, og tað enn ikki er avgjørt, er tað frítt hjá tapara velja bana (Battlefield, Small Battlefield ella Final Destination)

(Fyrivarni skal takast fyri at reglurnar møguliga ikki broytast, um tíðin ikki ger tað møguligt)

Vinningur

Vinningurin er sjálvandi eitt A4 pappír, ið váttar at tú ert Føroyameistarin í Super Smash Bros. Ultimate 2024, men við í vinninginum er eisini eitt borðspæl!