Borðspælslegan SvínaCon 2024
Tabletop Føroyar kemur at skipa fyri einari spennandi borðspælslegu í Svínoy, tann 9. til 11. august 2024. Les meira um leguna niðanfyri.
Bíleggingarfreistin er farin, men til ber enn at brúka tjaldøkið!
Endamál
Vit ynskja, at savna líkasinnaði saman til hugna og sosiala samveru, við at bjóða teimum eina serstaka uppliving á útoyggj við borðspølum.
Frá hugskot til veruleika
Áðrenn Tabletop Føroyar bleiv stovnað, var skipað fyri einum borðspælstiltakið í Svínoy í summri 2019. 14 vinfólk fóru við Rituni frá Hvannasundi til Svínoyar, at hugsavna seg um borðspøl eitt heilt vikuskifti.
Hetta eydnaðist sera væl, og ætlanin var, at skipa fyri tí aftur árið eftir. Tiltakið fekk heitið SvínaCon, men vegna corona bleiv tiltakið ikki hildið aftur.
Síðan 2022 hevur nevndin fyri Tabletop Føroyar havt møguleika at skipa fyri SvínaCon, sum hevur eydnaðist sera væl og tí skipar Tabletop Føroyar framhaldandi við at skipa fyri borðspælsleguni, sum í ár verður í Svínoy tann 9. til 11. august, 2024!
Ein lega til spælisælu
Borðspælslegan kemur at bjóða luttakarunum gisting og alskyns borðspøl, umframt at luttakarar kunnu taka sínu egnu spøl við. Hetta gevur luttakarum eitt serstakt umhvørvi, har tey hava eitt heilt vikuskifti at sosialisera og hugna sær saman við øðrum borðspælseldsálum í Føroyum.
Hetta vikuskiftið gevur eisini høvið til meira enn hvat eitt einstakt leygarkvøld kann. Við meira tíð, úti á útoyggj, og vekk frá býarlívinum, er høvið til at samansjóða luttakarnar við størri og longri spølum, ið krevja meira tíð og fleiri luttakarar, eta og gera mat saman, ganga túrar saman, spæla útispøl, so sum disk golf, umframt onnur tiltøk, ið fyriskipararnir ella luttakararnir sjálvir skipa fyri.
Ritan siglir okkum frá Hvannasund til Svínoyar ein fríggjadag, og farið verður heim aftur seinnapartin sunnudagin.
Vit koma at leiga Gamlagarð, ið er eitt gistingarhús við fleiri kømrum og soviplássum til 32 fólk. Karmarnir í Gamlagarði eru sera væl egnaðir til eitt tílíkt tiltak, við nógvum seingjarplássum og góðum plássi til borðspøl. Gistarar verða deild upp í 8 kømur við 4 seingjarplássum, við møguleika at tilmelda seg saman við øðrum. Kømur verða deild sundur til kvinnir og menn. Umframt hetta koma vit, at leiga húsini Arabø til fyriskipararnar, og møguligar eyka persónar. Møguleiki er eisini at gista á tjaldøki ella aðrastaðni í bygdini og bíleggja matgongumerki fyri at fáa máltíðir á Gamlagarði.
Gongutúrar verða skipaðir av einum fyriskipara, ið er kendur á staðnum, og møguleiki verður eisini, at spæla disk golf úti á Handansgerði saman við staðkenda fyriskiparanum.
Eftirsum at vit ynskja at bjóða so nógvum, sum gjørligt, fara vit eisini at hava ein, ið kemur at taka sær av matgerð allar dagarnar. Vit ætla at taka hædd fyri møguligum ovurviðkvæmi hjá luttakarunum í skrásetingarskjalinum.
Málbólkur
Legan er ætlað teimum ið eru 18 og eldri. Ynskiligt er, at tann einstaki luttakarin er nóg búgvin til, at taka ábyrgd av sær sjálvum.
Legan er ikki bert fyri tey, ið gista á Gamlagarði, men eisini øðrum, ið eru á oynni, og vilja taka lut í borðspølum og øðrum.
Ritan hevur ikki góðar umstøður til at tryggja góð ferðusluviðurskifti hjá tykkum við rørsluavbjóðingum. Tak hetta til eftirtektar.
Tað er krav at hava limaskap í Tabletop Føroyum fyri at bíleggja gisting ella mat á leguni.
Samanumtikið
Tabletop Føroyar ynskir at seta á skrá eina serstaka útoyggja borðspælslegu á Svínoynni. Vit gleða okkum, at kunna bjóða tykkum hesu uppliving.
Skrá
Nær tú ynskir at fara til og frá Svínoy er upp til tín. Kostnaður av ferðing er ikki við í luttøkugjaldinum.
*Fyrivarni má takast fyri veðrinum og broytingum í tíðarætlanini.*
Ferðaætlan:
Tað er ljósregulering Norður um Fjall hvønn dag millum klokkan 8:00 – 20:00. Ljósini verða grøn 15’inda hvønn minutt.
Hetta merkir at tá tit koyra norður fríggjadagin mugu tit fyrihalda tykkum til ljósreguleringina, so tit ikki verða ov sein til ferguna.
Norðureftir verða ljósini grøn hesi tíðspunkt:
- xx.07
- xx.22
- xx.37
- xx.52
Suðureftir verða ljósini grøn hesi tíðspunkt
- xx.00
- xx.15
- xx.30
- xx.45
Fríggjadag (9. august)
Leygardag (10. august)
-
09:00 - Morgunmatur á Gamlagarði
Vit koma at borðreiða okkurt leskiligt. Hetta verður kalt borð. Vit rigga av umleið kl. 10.
-
12.00 - Hagatúr
Ein staðkendur fyriskipari kemur at skipa fyri einum hagatúri á oynni. Hetta er eitt gott høvi hjá tykkum at uppliva vøkru náttuna á oynni. Viðmælt er heit klæði og stivlar.
-
14:15 - Miðmáli á Gamlagarð
Vit koma at borðreiða okkurt leskiligt. Vit rigga av aftur umleið kl. 15:15.
-
15.00 - Diskgolf
Ein fyriskipari kemur at skipa fyri diskgolf spæli. Øll eru vælkomin at luttaka! Hetta verður uttandura á bønum, so heit klæði og góðar skógvar ella stivlar eru viðmæld!
-
16:30 FM heitið í Super Smash Bros. Ultimate
Eins og undanfarin árini verður tað kappast um føroyameistaraskapi í Super Smash Bros. Ultimate! Tilmelding til kappingina steðgar kl 16:00!
-
20:00 - Heitur nátturði á Gamlagarði
Ein kokkur kemur at fyrireika ein góðan heitan døgura til okkum! Vit koma at rigga av umleið kl. 21:00.
-
00:00 - Friðaligt
Sum útgangstøði sleppa øll at hugna sær við borðspølum alt kvøldið og náttuna út, men hetta skal gerast friðarligt; summi hava tørv á svøvni! Har er aftur ein dagur í morgin.
Sunnudagin (11. august)
Tiltøk
Massar av borðspølum
Smá, Stór og Risastór borðspøl vera á SvínaCon.
Tabletop Føroyar tekur næstan alla sína samling av alskyns borðspølum við á SvínaCon.
Meira enn ymisk borðspøl!
ymisk borðspøl!Um tú ert ein, ið dámar Borðspøl, men ikki fært tíð, ella fólk at spæla við, so er SvínaCon akkurát nakað fyri teg. Á SvínaCon fært tú umstøður, náðir, stundir, og spælarar til at vera um borðspøl
Felagið tekur øll spølini, i felagið hevur tøkt í Hollywood við. Til ber at síggja spøl felagið eigur – her.
Borðspæl Express
Nógv skjót og løtt borðspøl verða á SvínaCon, og tey kanst tú royna á borðspæl Express’ini, ið verður tvey tíðspunkt leygardagin, 10. august ✌️
Umborð verður ein tokførari klárur at spæla og læra tykkum fleiri spøl, har tað eisini er skjótt og lætt at hoppa frá og til borðið eftir ynski. Hetta egnar seg sera væl, um tit eitt nú bíða eftir øðrum spælarum at blíva lidnir við okkurt spæl, so ber til at hoppa umborð eina løtu áðrenn farið verður víðari til okkurt annað størri spæl 💪
Borðspæl Express’in verður:
leygardag, 10. august:
- Kl: 10:00-12:00
- Kl 17:30-20:00
Jeopardy!
Tá øll eru komin út og lagt seg til rættis fríggjakvøldið, fáa kømrini møguleika at seta seg upp ímóti hvørjum í einum spæli av Jeopardy! Svarini eru sjálvandi fyri tað mesta borðspælsrelateraði, so lat tað mest nørdutta kamarið vinna!
D&D við Spælival
Hevur tú spælt D&D leingi, og hevur hug til eina ordeliga torføra roynd til eitt one-shot?
Og vilt tú royna eitt one-shot har tú kanst vera lv 15?
Ímynda tær eina verð, har vampyrar, liches og Werewolves hava fingið nokk av øllum jagstran eftir teimum, og ætla nú at broyta teirra mátar at handfera seg uppá.
Ikki longur fara teir at goyma seg í myrkrið, og eftir langa tíð av hugsanum, fara teir traðka inn í tær upptiknu býargøturnar.
Hvør er tín hetja í hesum stríðnum? Og fer hann at kunna steðga hesum harkaliðinum við sínum vinum?
Í samstarv við Spælival verður skipað fyri einum One-Shot á SvínaCon. Tilmelding er først-til-mølle. Tilmelda teg til one-shot við at skriva til esbern@tabletop.fo.
Magic: the Gathering draft
Afturvið borðspølunum verður eisini møguligt at spæla Magic: the Gathering á staðnum, antinn at taka síni við egnu deck ella við at lána (har eru 4 Commander decks til láns frá felagnum, men onnur fólk eru altíð glað at lána út!), tá er tað mest Commander á skránni, men fyri tíðina er tað eisini kjansur fyri at fólk hava síni Pauper decks við sær!
Á SvínaCon fer tað at verða minst ein Display box ætlað til draft, har ið man keypir seg inn til at byggja heilt nýggj decks og spæla eina innanhýsis kapping at vinna meira pakkar (og kanska okkurt søtt?)
?)Meira kunning kemur seinni.
Warhammer 40.000
Ein bági við at spæla Warhammer á útivølli, er at útseta allar sínar lutir undir ferðingini. Í ár hevur Tabletop Føroyar keypt landslag frá Titans Terrain, ið er lætt at ferðast við, so tú sleppur undan at taka landslagið við sjálvur!
Eisini tekur Tabletop Føroyar sína málingaverkstovu við, so tú fær málað tað tær tørvar á leguni 🖌🎨
Eisini samstarva vit við Hermótinum, ið kemur at halda okkurt í samband við Warhammer 40.000. Meira kunning kemur seinni.
Party Games á skíggja
Vit vita at borðspøl verður nokk av á SvínaCon, meeen onkuntíð kann tað kanska tykjast eitt sindur ov nógv. Tí kann tað verða gott at líka leggja tann taktiska partin av heilaum í pausu, og heldur seta seg við eitt joystick og spæla spøl, ið ikki eru tyngjandi, men heldur skjót og stutt.
Á SvínaCon verður møguligt at spæla fleiri kend Party Games, millum annað:
- Mario Party Superstars
- Super Smash Brothers Ultimate
- Mario Strikers: Battle League
- Nintendoland
- Game & Wario
- Duck Game
Eisini verður møguligt at spæla eldri Nintendo spøl í retro krókinum 🕹️
Føroyameistaraskap í Super Smash Bros. Ultimate
Aftur í ár verður dystast um heiðurin fyri føroyameistaraheiti í Super Smash Bros. Ultimate!
Hevur tú førleikarnar, ið skulu til fyri at standa sum tann besti í Føroyum?
Um tú ella ein tú kennir, vil tryggja sær hendan heiðurin, so er at koma út til Svínoy tá SvínaCon er leygardagin 10. august. Ikki er neyðugt at gista tí til ber at koma út við Rituni, og sigla heimaftur við sigrinum um kvøldið!
Les meira!
Disk Golf
Í Vági er ein rættur disk golf bani, men leygardagin 10. august, verður ein disk golf bani settur upp hinumegin Føroyar, tí á SvínaCon verður møguligt at spæla disk golf!
Disk golf er sum golf, men bara við, ja, diskum, heldur enn kúlum. Vit seta tríggjar kurvar upp til reiðar at spæla disk golf á opna landslagnum í Svínoy ⛳️
Takið góð útiklæði við.
Hagatúr
Á SvínaCon verður ikki bara sitið við borðið og spælt borðspøl. Tað má verða pláss fyri at strekkja beinini, og njóta góðu náttúruna á útoyggj. Tað verður tað við einum skipaðum hagatúri í Svínoy við einum staðkenda fyriskipara!
Svínoy er ein lítil oyggj við stórum upplivingum 🏝
Í Svínoy eru loyndar nátturperlur, sum ikki síggjast í visit Faroe islands myndum. Kom við á Svínacon og fá møguleikan at uppdaga og uppliva hesar við staðkenda ferðaleiðaranum ⛰
Takið góð útiklæði við.
Svimjihylurin
Gamli svimjihylurin verður gjørdur í stand, og til ber at svimja í svimjihylinum hjá teimum, ið hava hug.
Takið svimji- og skiftiklæðir við.
Stór spøl
Á SvínaCon kunnu tit endiliga taka hatta spælið av “Twillight Imperium” sum tit hava droymt um, ella at seta tykkum niður at spæla Everdell við øllum expansions. Tað er nevniliga møguligt at taka hesi borðspølini sum taka 8+ tímar at spæla 
Kom við á kjakbólkin fyri at spyrja hvør man vera áhugaður í at vera við:
At hava við
Tú skalt hava við
- Seingjaklæði
- Handkløð
- Tannbust/tannkrem
- Skiftiklæðir (sokkar, undirklæðir, blusa, buksir)
- Útiklæðir/skógvar (um ein vil út í náttúruna)
- Svimjiklæðir (um ein vil svimja í svimjihylinum)
- Sápa at vaska sær við
- Títt yndis borðspæl (um TTF ikki eigur eitt)
- Snacks um man vil hava tað
- Pening til ferðina frá Hvannasund til Svínoyar
Vit taka okkum av
- Nógv borðspøl
- Mat*
* Bert til tey, ið hava bílagt gisting ella matgongumerki
Húsreglur fyri SvínaCon
Fyri at skapa eitt gott spæliumhvørvi og góðan trivna ímillum luttakararnar, eru ávísar reglur galdandi. Les meira um hesar reglur við at fylgja leinkuna.
Hent at vita
OBS: Ongin handil er á oynni
Ljósregulering eru í tunlunum Norður um Fjall. Sí ferðaætlan undir Skránni.
Tað kann variera nógv hvussu leingi heimtúrurin tekur. Ritan siglir úr Hvannasundi tríggjar túrar sunnudagin, men fráferðin ávirkast alt eftir veðrinum og um Ritan siglir til Fugloynna ella ikki. Her nøkur vegleiðandi tíðspunkt nær ein kann vænta at vera í Havn útfrá hvørjum túri man tekur:
- Túrur kl 8:45 úr Hvannasundi: 11:00-13:00 í Havn
- Túrur kl 14:45 úr Hvannasundi: 17:00-19:00 í Havn
- Túrur kl 18:30 úr Hvannasundi: 20:45-22:45 í Havn
Gevið fyriskiparum boð um nær tit ætla tykkum avstað. Hvussu Ritan siglur verður kunngjørt umvegis SvínaKunning – Community Chat Group.
Skráin nevnir ymiskt støð á oynni. Hetta eru støðini:
Dansistovan
Luttakarar kunnu gera sær brúk av Dansistovuni, ið er í hinum endanum av bygdini. Alment vesi er hinumegin vegin.
Gisting v/ mati
SvínaCon verður hildið á Gamlagarði, ið er eitt gistingarhús, ið kann hýsa upp til 32 gestir. Har eru 8 kømur við 4 seinjgum, og møguligt er at tekna seg upp til hvønn man vil deila kamar saman við. Við í gistingini, eru allar máltíðarnar, ið koma at verða á SvínaCon – heilar 5 máltíðir!
Um ein ikki ynskir at gista á Gamlagarði ber til at nýta tjaldøkið við Gamlagarð ókeypis, ella at finna sær gisting aðrastaðni á oynni. Máltíðir kunnu fáast við at bíleggja sær matgongumerki 🎫
Vit vilja gera vart við at ongin handil er á oynni 📣
Matgongumerki
“Uden mad og drikke duer helten ikke” Tað ásanna vit á SvínaCon, og tí ber til at bíleggja máltíðir alt vikuskiftið meðan SvínaCon her. Við ongum handli á oynni, kann tað koma væl við at fáa døgurðan orðnaðan fyri seg 👨🍳
Tað verða 5 máltíðir í alt:
Fríggjakvøld, leygarmorgun, leygardag, leygarkvøld og sunnumorgun
Té og kaffi verður ókeypis fyri øll ☕
Tey, ið gista á Gamlagarði, fáa allar máltíðirnar við í prísinum.
Tjaldøkið
Sum nakað nýtt, verður møguligt at nýta tjaldøkið, ið verður beint við Gamlagarð heilt ókeypis.
Vesi og brúsa kann brúkast á Gamlagarði.
Minst til at ongin handil er á oynni, men at til ber at fáa máltíðir á SvínaCon við at bíleggja sær matgongumerki
Tilmelding
Leguluttøka er ókeypis og krevur ikki tilmelding, men til ber at bíleggja gisting ella matgongumerki fyri at fáa máltíðir alt vikuskiftið. Møguleiki er eisini at bíleggja atgongd til tjaldøkið ókeypis
Gisting á Gamlagarði er avmarkað til 32 pláss.
Freistin at bíleggja farin, men enn ber til at brúka tjaldøkið!
* krevur limaskap hjá Tabletop Føroyum, meeen tað er bara 100kr um árið – Tekna teg sum lim her!
Stuðlar
Stuðlað hevur:
